PreBDay Surprise

坦白講，年年生日之前，都會小小信心測試。心裡的確會擔心無人同自己慶祝，不過出聲叫人同自己慶祝又真係好醜怪，所以好難做。不過無論點，原來我的朋友心裡真是有我的！好感動！

生日前的今日，兩個大驚喜。

下午十二點，約好Ms Li，Ms Chan Chan & Mrs. Lee食飯。食完之後，周圍行吓，行入我至愛的Viola，在全無準備之下，她們幫我左揀右揀，要我試裙。原來她們受老闆娘楊太太所託，要買我一條裙。三個夾一個，真係無得推。她們揀比我，試完一條又一條，咁大個囡都未試過，好Pretty Woman Feel 呢.......原來真係好開心！而且最後真係找到一條好靚好仲意的！太開心了！多謝晒！^0^

下午四點，Janetmama打電話比我。未接電話之前，大概估計，她只會叫我幫她Fax什麼，Email什麼，她大概不會記得起我生日。點知，她真的記起我生日，仲要由上個星期記到今個星期，太感動了!!! 於是晚上，就和她，Korus一起到Time Square金牛苑吃了一個美味的晚餐呢！蒜蓉飽好好味呢！

病假一天

真係好少請病假，不過因為真係感冒，唔好傳染人，就請假。前日有感冒先兆，已經先執一劑海天堂(大家姐)感冒茶，清一清熱毒，之後尋晚+今日食咗四粒Panadol + 四粒幸福傷風素 + 800mg Fluimucil 化痰，瞓咗半日，其實已經無咩事。無假紙，所以決定走去探一探由細睇到我大嘅Dr. Angela Ng。上次睇，係1998年啦！

Anyway，她已經唔認得我，不過一睇我個病歷，就記得細佬。因為細佬係Dr. Ng接生，而且細佬細個真係好靚仔，好可愛的。

餘下的時間，就係執吓部電腦。搞吓D Connection。唔知點解醫生上次幾吓就可以幫我Reset部電話，到我自己做就搵極都搵唔到！>~<

Anyway，HTC Diamond2™及HTC Touch Pro2™可免費更新至全新Windows® Mobile 6.5，詳情將於稍後公佈。

Bugging!

前晚燒完嘢食之後，唔知做咩，感冒，今日仲有小小發燒，成身汗，標眼水！！！唉......終於輪到我！每隔幾年生日就嚟料！

唉...................原本預定星期四五六日去北京，不過因為發燒，發仔話真係有可能唔比出境；又因為感冒令呼吸唔好，北京天氣凍，Morris話淨係用口呼吸會好辛苦；所以唯有Postponed到再下一個星期啦！Peking trip is now bugging !!!

Congratulations to TinLong's Baptism today !!

精子與卵子的對話

我有一個好爸爸，但他的女兒就.................... ! 真係唔好提啦！

****************************

精子：我的名字叫精子，我的外形似蝌蚪，全長60微米，是人體中最小的細胞，也是不能再生長發育的細胞。　　　

卵子：我的名字叫卵子，成熟的我直徑可達15毫米毫米，是人體中最大的細胞。　　　　　　

精子：父親每次射精，將有2億5億個我的同胞兄弟降生。其中形態異常，智低體輕的約占40%。　　　　　　　

卵子：媽媽每次只生我一個，頂多也只有兩個同胞姐妹同時降生。而且分別只允許一個，最多兩個精子同時與我們結合。
　　　　　　　
精子：噢，看來我們兄弟之間要進行搶親比賽啦！大家進入人體後，要闖過一道道艱難險阻，需要4小時5小時，全憑咱自身的能力，最終只有強壯的、充滿活力的兄弟才能有幸與你成親。而那些體弱的、畸形的兄弟，途中就被一個個淘汰掉了。　　　　　　

卵子：請千萬不要盲目行事喲。如果選錯了伴侶，造成流產或生下智低、畸形的孩子，會令你後悔莫及！　　　　　　

精子：快講講是怎麼回事呀？　　　　　　　

卵子：要想生一個聰明健康、心靈手巧的孩子，我們必須爭取獲得父母最優良的遺傳素質。所以敬告那些有意郎君，必須接受的我的優選條件：首先父親年齡在25歲40歲，因為當父親25歲時，精子的品質、密度、活動能力均達到高峰，而40歲後逐漸下降、衰弱。　　　　　　

精子：其實我也只喜歡健康、新鮮的卵子。24歲29歲最佳生育年齡母親的卵子，才是我最理想的選擇。　　　　　　

卵子：我自母親胎兒期，就存在於母體內了，多虧外婆的嚴格把關，才使我免受遺傳或不利因素的影響，保留著我健康、完整的素質。　　　　　　

精子：這我知道。生活中影響我們健康的不利因素很多，如煙、酒防腐劑中的亞硝酸鹽；儀器著色劑；農藥類的DDT、殺蟲劑等；汽車尾氣、電離輻射、甲基汞、鉛、鎘等，都是影響、傷害我們的因素，可引起遺傳基因發生突變。　　　　　　

卵子：還有，從精原細胞到形成精子，需要56天88天，其間要保護好父親的精子不受入傷害。　　　　　　　

精子：還有什麼條件呢？　　　　　　

卵子：我要選擇沒有傳染病史的父親的精子。如果傳染上布魯氏桿菌病、結核病等，大量消耗營養會使精子在生成過程中夭折，即使有倖存活，也是體弱質差的。如果染上流行性肋腺炎後再併發睾丸炎，落下無精子症可就壞事了。　　　　　　　

精子：這沒問題，父親身體可棒啦。為了保證我的品質，近期特別注意避開一些使睾丸溫度增高的因素，如不用熱水泡澡，不穿背帶褲、牛仔褲，飲食中還特別注意含鋅食品的攝入。因為缺鋅可導致性功能減弱、少精症等。　　　　　　　

卵子：且慢，在計畫妊娠前可要節制性生活喲！過度的性生活，可使精液量減少，精子數量下降，精液中會混有不成熟的精子。特別是在我出生（排卵）前，需禁欲2天7天。　　　　　　　

精子：還有更重要的呢！因為我在排出後48小時才開始老化，而你在排出後6小時就開始老化，最佳受精時間為排卵後2小時3小時，所以在排卵前一天和排卵日可隨意行房事。
　　　　　　　
卵子：我喜歡你，因為你素質優秀、活潑強健又充滿智慧。　　　　　　

精子：我歷盡千難萬險，才終於找到你心愛的卵子，你美麗、健康又新鮮、純潔。　　　　　

合：我們集中了父母上最優秀的素質，我們的結合是最完美的結合。我們的愛情結晶，必將是一個聰明、健康、活潑的小寶寶。

****************************

事實證明，我有一個好爸爸！哈哈！爸爸生日快樂呀！

戶外訓練

今日Off-site training，去馬鞍山白石Golf Center。好美麗的地方！真係唔怪得之咁多人仲意打Golf啦！！

今日個Training，其中有個主講嘉賓教「說話訓練」，真係唔簡單。

1. 正確用聲的話，說話是用氣。心急說話的人，說話時，是聲帶磨擦，不是用氣。

2. 說話時，要運用「邏輯重音」，例如：你幫我去買一個紅色嘅蘋果。一句說話就已經可以有至少兩個邏輯重音。

3. 要識得運用高音同節奏感。

4. 讀「恆生銀行」時，讀每個字時，都唔好趕住要合埋個咀！

4.客人是人，是有謀生能力的人，所以要相信客人能從你的眼睛看出你是什麼人。

5. 一定要學習有幽默感。幽默感係民主的 (民主的意思：人人可以親近的)；要有想像空間。

6. 幽默的人，都是胸襟比較廣寬。古語有云 : YOU CANNOT DEAL WITH THE MOST SERIOUS THINGS IN THE WORLD UNLESS YOU ALSO UNDERSTAND THE MOST AMUSING

最後，有段教名星司儀嘅文稿－黃巷之狗　

『喺呢條黃巷嘅巷口度，有一隻狗，佢個名叫做黃汗寒狼，大家或者會覺得好奇怪，點解呢隻狗會有一個咁得意嘅名嘅呢？講起上嚟，其實係有段古嘅。話說喺西方有一個叫做黃汗寒狼牛牙雅夏蝦嘅國家，呢個國家嘅人都好中意養狗嘅，但係佢地飼養狗所用嘅食料同我地東方人所用嘅唔同，原來佢地係用寒光慣關所出產嘅旱巷糠來飼養嘅，養大嘅狗都好靚同埋好強壯，而且都以好高昂嘅價錢吸引到外地嘅人到來選購，其中以押黑乞國、很肯國、新身生國、突特國、能單藤國、或華滑國、深竺宿學惡確國、等燈燈等國、塞室色塞國嘅人最多，而頭先我地所講嘅嗰隻黃汗寒狼昂貴嘅狗，就係呢個國家所出產嘅。』

讀得到，已經唔容易！讀得好，對於我，真係無可能！

條鏈係直，個影係彎的 !!好鬼秘!!!!!!!!!!!

食過番尋味

同事比我做嘅Study Case，愈搞愈複雜。做Demo，又要識計，又要識寫，又要做Powerpoint，又要識講，一腳踢！不過其實真係幾好玩。Anyway，日日係咁做，一定有進步，當係private bank咁做！^^

6:50pm放工，行到出大門口，比同事捉住要去打邊爐，提早慶祝小妹生日，兼食過番尋味。好吸引，當然去啦！！不過依個世界，如果真係有一次可以兩次(或以上)去同一間食市，同樣食到一樣咁好食嘅食物，真係一種福氣！Unfortunately, No luck this time !

A Beautiful Tree

This is my story about
Rising from the dirt
You can plant me anywhere
Down deeply

The sun gives me spirit to rise

I am so tall
They could cut me
Make food out of me
Pick my cotton
You can water me
They can dig me up and put me back in

I am so tall
I can not be lost
A machine can cut me up
I’ll be on your kitchen table
You can plant me all year ‘round
I am a beautiful tree.

CYCLE M

自從上一次比護士問：「知唔知個孕婦『最後經期』係幾時？」吓？個心即係唸：係姨媽嚟果日(經期第一日)，定係姨媽走果日(經期最後一日)？猶豫咗一陣，唔識答，要問清楚。之後個心又唸：有姨媽即係無身孕啦，有BB就無姨媽啦，咁點解要問『最後經期』？心裡有個大問號。Anyway，自己係女人都唔識計，自己都覺得自己有小小白痴。

於是今日就決心學識計一計。

問醫生： 如果國慶果日係上次第一日姨媽，不過唔記得幾時完。而今個月嘅尋日嘅下午八點左右係依個月第一日姨媽，咁即係個Cycle係幾多日呢 ?

醫生答：國慶是10月1日，尋日是11月3日，10月有31日，咁即係31-1+3=33日周期。

再問點解唔係32日，點知自己再數吓日曆，果真係33日！嘩吓，咁奧妙嘅？！

入口通脹 & 春風化雨

東江上流，湖南旱災，香港水貴。2005年第四季，家用石油氣價格係$11.69，2009年頭兩季就已經係$16.86。加埋D人為樓價，地租......「惡性通脹」未開始之前，已經開始「入口通脹」。

好仲意今日蘋果日報嘅頭條，春風化雨！以前讀書時，最仲意讀女校時，讀中一教我Geography嘅Miss Ng；讀男校時，無教過我嘅朱Sir；同中六收我入男校，之後成日叫我安靜D孫Sir呢！^0^

尋晚吹大北風，成晚瞓唔著！BedTime Now！

苦面婆心

尋日婆婆生日，她五個囝囡，有四個同佢慶祝，都仲係有D苦口苦面。真係唔識做！(真係唔好話我話佢！)。她將個心放喺果個唔同佢慶祝嘅囝，搞到同佢慶祝果D，個個都唔想同佢慶祝。唉.....婆婆用屋企固網電話打比舅父都唔接，咁無計咖喎！

以前公公喺老人院時，有一次我一個人去探佢，佢同我講佢話好掛住依個舅父，但按唔到個電話鍵盤，叫我幫佢打電話給他。接通之後，舅父喺電話點答我，之後我點同身邊的公公講，公公失望的眼神，我一世都會記得！(好傷心的感覺！叫一個老人家怎樣承受得起!)

Ayway，放在心裡的，婆婆，生日快樂！　

索生成就

就嚟生日，唔肯起身，就唸吓自己有咩成就。覺得自己樣樣嘢都半桶水。又唸起，香港最年輕嘅MBA係19歲；最年輕嘅CFA係21歲；醫生喺我依個年紀，已經唔知出咗幾多張紙，唔知係32定33歲就已經係顧問醫生，仲有煮飯洗衫扮靚減肥，樣樣都唔識，唉唉唉。。。愈唸愈唔肯起身！

點知唸得慘烈時，忽然唸起索羅斯(因為前幾日睇過佢嘅新聞)。阿索生1969年開始，用咗30年辛苦經營嘅「量子基金」，在市場興風作浪，但到2000年，因為俄羅斯債務危機及對日元匯率走勢的錯誤判斷，都要宣佈關閉，30年辛苦搵番嚟嘅心血一晚就無咗！但咁又點啫？依兩年，索生已經賺留番佢失去的，包括名譽同金錢。

所以「成就」是什麼呢？其實可能首先就係「自己點睇自己」，之後先係「人地點睇自己」。而「真正嘅成就」之中，就點都一定有D「失敗」。於是，叮叮..I am so delighted of being「失敗的自己」，哈哈....於是開始陽光燦爛的一Day！明天繼續努力！^0^

****************

呀...講番單新聞。索生話由2010年４月開始，未來10年他將出資5000萬美元，在英國劍橋大學創辦創辦一所新經濟思想研究院。Speech之中，他又講咗兩件事，雖然有Ｄ好似講風涼說話，不過都好有意思：

(1) 市場經濟和開放 社會相輔相成，市場有「看不見的手」，政治家有「看得見的手」，市場在政治家制定的框架裡運作。市場是為私人需要服務的，不考慮道德標準，通過買和賣高效 地創造市場價值。但市場價值與社會價值不同，要滿足公共領域的需求就需要道德標準。他指責那些相信「市場萬能」(Capitalism)的極端主義者，或市場原旨主義者，把市場萬能的思想滲透到市場不應該涉及的領域，造成很大危害。

(2) 要成功便一定要做自己喜歡的事。只要你投入做喜歡的事，自然做得好，做得好便會有人聘請你做事。別人每天起來便討厭上班。但我（在華爾街時）每天起來都覺得很高興，『我又可以工作了！』

香港美酒佳餚巡禮@西九海濱長廊

今日原本一早約好，同阿PAT慶祝「搵到工 - GARY GOR」(好明顯係一個藉口啦！)去金牌打邊爐，之後去西九海濱長廊嘅「美酒佳餚」。點知，約六點半食，五點半左右，阿PAT有事，激親有個平常心嘅SEXYLUN用唔平常嘅語氣話，取消HOT POT。

咁我就返屋企同爸爸食飯，之後就一個人去做「實地考察」，找吓細佬。

考察結果係 ：

(1) 千祈唔好好似我咁豬仔，嘗試由佐敦地鐵/圓方行過去，因為真係好遠。旅發局已經準備Shuttle Bus。三條路線有：九龍站.、尖沙咀站 & 紅磡站。& No Car Park。
(2) 好多鬼佬同旅行團。仲愈夜愈多人，都幾迫。
(3) 如果飲酒嘅BOOTH真係放在草地，草香加美酒，真係令人舒暢。BUT，試酒的地方都係石屎地，無晒詩意，有D殺風景。
(4) 旅發局本書話有個36.3Feet (11尺) 高的巨型酒瓶(具冒泡效果)，hmmm...現場睇就好細囉。
(5) 有無好多嘢睇？都有嘅。有人係酒桶做枱、玻璃杯、擺設、飪調.....(6) d 酒可能真係幾好飲。不過我真係唔知，因為無飲。

傍睡

今日上午要寫信，中午要唸幾個Planning Idea，下午要上堂。平日好少五點九就喺地鐵，今日六點半就返到屋企。不過唔知點解咁攰，好搞笑，衫都未換晒，就跪咗係櫈仔，趴咗喺床瞓著咗，仲瞓咗成個鐘！:P

快樂午餐

今朝好唔想起床，返工時，明明帶咗小小失落的情緒，點知醫生上午做完手術，中午約食飯！哈...好Surprise，即刻好開心！嗱嗱聲，好快咁Upload晒D Data就去食午餐。

今餐又食得特別開心。好多嘢問，好多嘢講！講起機械人手術，醫生話我知，由管理到技術普及，係有好多好多「平衡」要做。我都同意，「平衡」係無分對錯，因時制宜，最重要係平衡各方利益，maximizing the margin ，唔好製造有太大的利益衝突就算不錯。不過如果醫生唔講，就真係唔知！好西利又好實在的答案呢！

知咗之後，返公司即刻上網睇，原來UCLA，Carnegie Mellon Uni.，Uni of Pittsburg...，真係有好多Robotic Surgery Journals。唉呀，有D後悔當日無Take Healthcare Stream，大把Thesis可以寫。

食飯時，又同醫生講吓D發緊夢的事，以前好似真係好少講的！(唔知點解！) 不過真係講得好開心，雖然唔知做唔做得到，不過同醫生傾吓講吓，好似就會有力量。

不過，我覺得最好笑的，講開相機，兩條友仔，喺彌敦道過緊馬路時，人多車多，唔望左右，抬起個頭望上天空D大廈外牆，雖然時間好短，唸番，果一刻，大家真係唔知死！哈...

無出聲

唉...都唔知係唔係因為以前間學校得Needlework，無家政堂，於是搞到今時今日的我，做起家務上嚟，「拿手唔成世」，「生活智慧」簡直係零分。切午餐肉用水果刀。(好彩多得尋日Maruku教我先將午餐肉放入雪櫃，咁先唔會切到散晒！) 食完飯之後，同細佬調轉衣櫃，想話將原本掛起嘅返工恤衫摺好，點知唔摺好過摺！天呀.................！

返工時，好似無咩特別嘢發生。But為D小事比人warn，即刻撞火！Warn咩Warn呀？搞到出事嘅人就唔吵，不過就走去Warn D 唔關事嘅人！（同政府有咩分別！）低能！一句伸埋去！之後人地仲要好死低能咁話：「我無話係你！」我夠知啦！依家即係仲要話我敏感，野蠻。。。啦！之後無出聲！Anyway，最憎人唔知自己低能！

媽咪鼻咽癌嘅後遺症就係手脾腳脾，喺QE中醫調理咗好耐都無咩起色，血液循環唔係太好有關。雖然覺得好可憐，不過我覺得有Ｄ係心理作用，我真係好想同媽咪講，細嗰時，媽咪抱住我地"暗"眼瞓，抱完一個又一個，都係好辛苦，手好脾的，點解果時唔會話辛苦？我當然明白點解啦，不過最後都係講唔出。想到依到，忽然又想咸了.....

賀重陽

今個重陽節，去過最高的地方，唔計屋企，就係同沙田五樓的IKEA。Maruku放假前約話想去吓Ikea，因為屋企都係時候裝修。

I always enjoy going to IKEA，雖然IKEA Furniture真係無咩特別。不過IKEA間間都好大，好好行，睇吓望吓，真係好舒服的。不過今日發現，沙田IKEA少咗一層，又少Furnituring Models，無晒幻想空間，幾個人擠在一起睇，行吓玩吓，行得一陣就去到大門口。Oh.....

之後，就喺IKEA樓下周圍睇廚櫃。依處係無論如何，媽咪們最關心的地方。其本上，Maruku研究覺得，Kitchen Working Area嘅分佈，首先係SINK盤，Then Working Table (切瓜切菜），Then 炒餸嘅地方。起初我無留意依個次序的重要性（因為我屋企個廚房係四方的！)，不過唸吓唸吓，如果調轉，真係幾煩咖喎！切好Ｄ菜要行幾步先攞到！

之後好似驚喜大發現咁，見到可以放喺彎位的轉角不誘鋼櫃，仲有不同嘅儲物設計，於是間間設計公司都開吓，後來發現原來間間都差不多呢　(&發現個個阿媽都好好多煲！)。Anyway，我覺得全日最好，就係有個好似大櫃桶咁款嘅洗碗碟機，喺我半身的位置，唔洗彎腰，食完Ｄ餐具，收收收，收晒入去就洗乾淨晒，好開心呢！

Maruku話，煎午餐肉，要先雪凍罐午餐肉，之後薄切，會好好食！好，聽日試吓先！

國慶音樂會

今晚同幾個大學同學去咗大會堂聽國慶音樂會，有香港青年國樂團、鋼琴家、古箏樂團演奏 & 女高音唱歌。咁大個囡，真係第一次好Formal好安靜咁聽 Music Performance (唔計睇DVD!)。現場睇住個Pianist 搖吓搖吓，手臀彈吓彈吓；又見到個Soprano，唱「我愛你，祖國」時，聲線、感情、表面、動作，那種溶入同陶醉的感覺，真係令人感動。

有個西人在表演完之後起身拍手，我都好想，不過側邊Ｄ人唔郁，唔敢郁！

選美難題

在舞台上，牙科醫生對住兩位佳麗A&B講：「妳們有用牙套。」佳麗A&B回答：「無。我們無用牙套」。幾個廣告時間之後.................

亞旦：頭先佳麗A&B，返到後台，靜靜雞話我知：「阿牙科醫生好勁，真係睇得出我們有用牙套」。各位觀眾，我們喺依到，要比番D掌聲我們兩位誠實嘅佳麗，亦要比番D掌聲阿牙科醫生。

點解呢？！哈哈。。。我覺得依段真係超好笑呢！

看首影

尋日去「心跳500日」時，話好想睇「阿童木」，估唔到今日黃師奶有飛有首影戲票，好高興。雖然要湊埋他對孖仔一齊睇，不過一D都唔覺得辛苦，我成日都想同小朋友卡通片。^^

兩個小朋友，一路睇，一路講嘢，就好似其他小朋友一樣。不過其實他們都係想講同你分享有咩佢知道的，例如阿童木喺視有線兒童台做到第七集，阿童木有個妹，咩係紅核＆藍核力量.....etc. 佢地唔講我真係唔知道。講得大聲時，叫他們細細聲講，真係好CUTE。

首影特別之處有明星捧場。但套戲7:45pm開場，明星6:30pm就到，個幾鐘，她們去咗邊到？

套戲嘅電影效果＆音響效果都好好呢，真係要入戲院先睇到。

心跳500日

依幾日，睡眠質素好到不得了。同踏單車有關，同工作量有關，同被芯有關。起身，個面係脹卜卜！oOo ！哈....雖然今朝唔知醒返工 ，十點四先返到。之後，成日都係做手尾。

阿Pooh放工約睇6:00pm「心跳500日」，有小小日本Feel的小品西片。起初真係有dd悶，不過又拍得好真實，之後就愈睇愈好睇，有一段的拍攝手法講「Reality vs Expectation」真係有驚喜，好喜歡呢！

電影個主旨可能係話，緣份係無得努力的。不過緣份到時，就要努力加油。我知！但最慘係我可能蠢到緣份到都唔知！更蠢嘅係，緣份未到我就好努力囉！

同無安全感的人拍拖，會搞到自己都無晒安全感。由頭到尾我都唔明點解個女仔明明話唔想結婚，但忽然一陣"風"咁，同第二個人結婚。點解咁突然？其實真係會令人好傷心！

影評寫：「緣份是巧合還是注定？兩者不是一樣的嗎？注定了經過連串巧合才遇上他，我們都懂得在感情生活上說服自己，喜歡他的時候，把他說成是三世姻緣也可以。

愛情就是這樣，只是不斷重覆過程，summer 走了，autumn 就會來，人來人往，戀愛會在不遠處，心會繼續跳。」

Anyway，同阿Pooh睇總是最開心！她唔會覺得奇怪我會睇唔明，又唔怕煩咁比我問！^d^

情非得意

依幾日，聽咗幾個好WIERD嘅現代愛情故事。

前日阿MAY又同我講：依家d女人，寧願第二日離婚，就點都要結一次婚。因為離婚好平常。

同日，思思莉就講開：依家d香港女仔，為人師表，都會叫男朋友送iphone，食飯要食$2000，打MJ贏嘅係自己，輸嘅係男朋友，仲有去睇Concert，一定要睇最貴，請埋她其他的男性朋友...

今日，喺阿KEITH部電腦做嘢，佢個大學同學做Auditor，有心追個女仔，點知個女仔當人水魚，最後搞到情傷荷包傷，仲有筆課程Personal Loan留比他。

聽落去，個個Story都好恐怖，好weird！！

媽媽 I LOVE YOU

全日都未停過，做到趕頭趕命，因為要準時五點半就要走，去細佬個MEDOC WINE FAIR。

細佬之前同我講無人去，又見佢晚晚搞到三更半夜，真係替佢有d擔心，因為我認得個LABEL，好似成日喺Supermarket都見到，可能對d飲酒嘅人，真係已經無咩吸引力！點知....多人多到水洩不通！(比細佬呃咗！) 而且真係幾好玩，同細佬d朋友周圍搵酒試，好似尋寶遊戲，大家比較一吓味道！依d機會真係唔係成日有！第二日一定要叫醫址同SEXYLUN一齊嚟玩！

之後就去睇演唱會嘞！估唔到葉麗儀唱現場，係好聽得咁緊要！雖然我覺得多d英文歌會好d，不過依個係一個 TALK SING SHOW，好有新意呀！

三個之中，原本最唔仲意Maria Cordero，不過睇完之後，最仲意就係佢，好真誠好真摰。都未試過睇演晒唱會爆眼淚，不過一唱《媽媽 I LOVE YOU》，唸起媽咪 (因為無力行，便安排要坐在超正的Platform位 ) Maria一路唱一路咸，佢咸我又咸！唸起媽咪細個時點照顧自己.....

願乖乖早點去睡
閉上眼進太空裡
我會抹去你的眼淚
那怕變化歲月裡
北風祗管呼呼吹
我也會抱你吻你身心裡

願乖乖早點去睡
既已跳進世間裡
去看去聽你必會累
世界會要你面對
許多紛擾的火堆
告訴我不必孤單空心碎

愛你是我的生趣
怎麼結果都心醉
無須負重任
催逼一生答謝
祗須講 Ma Ma I Love You

願你一生不畏懼
世界醉了你不醉
有了智慧再加敏銳
你要往遠遠路去
不管艱辛祗管追
我也會暗暗祝福一千句

充實日

今日好充實，六點起身Edit個CSS，之所謂「知識管理」。之後開會；再Edit個CSS；同北京嘅LEON MSN；再同客人開會；再同黃師奶開會(兩個鐘頭!!!)；之後，同思思莉唸方法對付煩人；TimTim走過來講開新造恤衫；Eric面色好黃.......傾計傾計傾計，八點先返到屋企。

食完飯攤咗喺到，睇咗一陣第一集「宮心計」，見到兩個細路女(小宮女)咸，忍唔住咸埋一份！死...中咗電視計！Anyway，全日最驕傲的，就係涼沖前，的起心肝踏30分鐘單車。

聽日又係好充實！七點要返到中環，九點半要去到灣仔同Developer食早餐，十二點半有個Presentation要做，五點半要去細佬個朗豪坊Medoc Wine Fair睇吓，七點去紅磡同爸媽食飯，八點三睇三個女人一個墟演唱會。

意外保險

今日同陸叔叔一齊飲茶，他講起他在銀行買咗10年人壽意外保險。哈。前幾日先同公司Shirley討論依個題目，我同她講：我有好大份意外保險，依家計算緊自己會係邊種意外死？！Shirley比我激親．．哈！

(1) 大陸有人玩熱氣球死亡，係意外。但係因為玩熱氣球依類危險活動前，一般都有簽生死狀。一旦有生死狀，即係知道潛在死亡風險，咁保險公司就唔會賠償意外保險。

(2) 有個人因為意外切肢，兩年後因為斷肢引起的併發症死亡。但因為死者唔係因為意外即時死亡，所以都係不獲意外保險賠償。

不過有份意外保險，都係買份安心，係好實際的。聰明！

張艾嘉－愛的代價

今日喺間鋪頭聽到，覺得好感動呢！走吧．．．

小姑床單

二家姐結咗婚，一個人住晒間房，有小小唔習慣，有小小「小姑獨處」嘅感覺，咁大個囡都未試過。

間房真係好亂，於是點都要執一執！第一步就想做的，就係換床單！加尋日受Nene影響，挑起條根，想到就做，於是一早就去千色店，買咗張好靚嘅「小姑床單套裝」，即刻返屋企洗乾淨就用，再執一執ｄ!@#$%%#$#)%雜物，換埋被芯(原來好有技術的！)，4:30pm搞到3:00am，即刻有渙然一新的感覺呢！

唔向下望就得咖啦．^p^

Cosy Home Lovely Home

今日放工，約咗阿Pooh，去Nene屋企Housewarming。無見一排，好多嘢要講。嘻嘻哈哈....又食得多，Girls' Talk，好高興呢！

我話比她們知，我依幾日講得最多嘅Conversation係比個家姐結婚個Album人睇時：－

對方：嘩．．．你家姐好靚女喎！
我：係呀。
對方：都同你唔似樣嘅？！
我：係呀，我知。
對方：不過唔係，個面型同笑起個樣都好似呀．．．
我：Okok．．．其實我都有問過我爸媽，係生產我嘅過程之中，點解會有依個Production Defect，究竟係邊個原料出問題？！都無做QC嘅！！　

之後就去Nene屋企。Nene揀咗四人單位單人住，好大。一入屋，就睇得出Nene用咗好多心機裝修　：

• 全屋Ikea Funiture，Except果張FrancFranc四人大餐枱；
• 有優雅水晶吊燈 ，有好靚的散射效果；
• 玻璃睡房間隔，於是成間屋都好通透；
• 全屋米白色，但電視機後嘅WALL係介辣黃色，睡房後嘅Wall係Purple色，好型；
• 衣物書房電腦又喺另一間房，於是屋就好歸一，除咗無洗衣機！(因為Nene會攞番屋企比媽咪洗！)；
• 仲有有一架電子鋼琴，陶冶性情....　

（因為測驗卷子無嚟，為保持神秘感，又唔知屋主仲唔仲意．．．所以未影相！待映．．．）

雖然個書櫃唔係好大，不過真係一個Cosy Cubby，呀....我都要入白表 ！！

大家約埋八點見，點了好似風咁，傾吓計，同圍睇，上吓Facebook，一陣間就十一點半！

急救日

今日其實好忙。上午忙咗一輪之後，走咗去睇咗場十二點半 -- 單身大急救 ( The Ugly Truth )，今日第一日開畫，反正今日點都一定會睇，費事囉囉攣，於是同Christina即刻落樓下急救！哈哈....包場！

單身大急救

套戲都算係幾好睇，幾好笑呢！雖然個結局係無驚喜，「男人好色」亦唔係好太Ugly嘅Truth (唔好色嘅男人都唔係男人啦！)，不過男主角教女主角做「男人想要的女人」，但結果自己就仲意咗個女主角，即係男人唔想要的女人，哈哈....醜死怪呢！男人唔違反吓原則，唔知自己有幾仲意個女人呢！

我都覺得係咖，女人唔可以太溫柔，要係天使魔鬼混合體！女主角真係幾靚，(雖然口唇打咗BOTOX)，但著黑色同白色都咁靚。仲有個男配角好有型呢！


午飯之後，又衝一輪。差不多七點半先走，點知爸爸話泰舅父嚟咗探媽咪，又帶咗套「變節」DVD嚟，真好！於是食飯時大家齊齊睇！一日睇咗兩套戲...

變節

最好笑果句係，Laughing係黑社會放入警隊嘅卧底，點知入咗驚警隊之後，就被警隊指派做番黑社會嘅卧底。即係黑社會卧底再卧底番黑社會。於是依個「複雜的卧底」就利用香港特區警察嘅警力去制行幫會之間的勢力拓張......嘩....咩邪不能勝正！正義比人當傻仔！！！

其實，真係好似大家咁講，無線電影囉，真係唔係特別好睇。如果講好睇，陳冠希套「神鎗手」，就真係好好睇。

外父請女婿

打完邊爐之後，一早個肚就好唔舒服。唔係食物唔乾淨，不過可能係有小小腸胃敏感，於是就要清一清，小小腳仔軟。好彩，下午已經無事。

夜晚就「外父請女婿」，爸爸擺兩圍講男家親戚。我屋企D阿叔姑姐，搞氣氛，真係無得頂！成晚，得果兩圍，不過就係行來行去，係唔係都係咁飲杯，明明大家都係飲汽水，茶，或者紅酒加七喜，不過一樣都咁HIGH！

新事物

今朝一早打電話HTC問有無得Upgrade個WM6.1到WM6.5？！原本無咩希望！點知係有，仲要唔洗錢就有，十月底就官方軟件！好Yeah！WM6.5個版一面好似 iPhone，(www.pocketnow.com) with better finger control !!

EXCEL最好用個FUNCTION係VLOOKUP！愈搞愈複雜時，上Youtube睇，幾複雜都有人教！真好！仲要講得好有趣！

Excel Lookup Series #12: INDEX & MATCH functions

成班同事放工即慶打邊爐，去佐敦金牌火煱，湯底係一個用二碢頭(52度酒精) 沉著嘅海鮮，未放湯之前，用火先燒一燒海鮮，再放湯，滾一陣，即刻食d海鮮，超好味呢！未打已經好滿足！

機警神

黑仔！無啦啦比黃師奶激到爆眼淚，嬲到出唔到聲；無啦啦個電話會自己REBOOT；無啦啦個Printer無晒紅色Cartiage；無啦啦撞瘀個膝頭；無啦啦對高踭會甩踭皮....

黑都無人有時，Madam Alice托她媽咪送咗個香港機場特警比我！好得意呢...超開心！

飲茶周期

今日係二家姐結婚之後第一次飲茶，又唔係唔習慣，不過又唔係好習慣。Anyway，可能都係未習慣，遲d就慣！總之，請飲茶個Cycle，以前享利係排第五，依家他同二家姐當一個單位，於是個Cycle短番 (!@#$%^&*!^P^) ，大家又變番係一個月一次！ 寫低先，今日係爸爸嘅！

死啦...明明飲茶之後想話去找北京&世博旅行團，又想話去買頭髮橡筋，點知兩件事都唔記得！唔好係老人痴呆呀！！不過有點奇怪，十月了，點解仲會下雨？

亂唸無壞

今日望住IFC唸，四百年後，有無人會話IFC係一座有四百年歷史嘅古跡 ?

於是就唸吓未來經濟....亂唸都無壞啫！

(1) 大家都習慣了槓桿，大家齊齊Overpricing。同時大家又好想「貨真價實」，於是未來就有好多鑑證專家，筆跡鑑證、珠寶鑑證、紅酒鑑證.......

(2) 如果好似日本首相講，會強日圓政策，日圓一值錢，日本人就投資返日本，未來世界最值錢(保值)嘅係日圓，瑞朗，同黃金。依家「強美元，相對地，弱歐羅」，第二日多埋人民幣。

(3) 未來其中一樣最值錢嘅奈米科技可能係點樣令植物快速生長，吸收CO2，釋放氧氣

(4) 因為人口老化，人壽保險嘅槓桿可能會愈來愈細，(即係保費愈來愈貴)，雖然保險公司唔會死錯人，不過未來買人壽險就好似高息存款證咁，未必時時有得賣。

(5) 今年買樓，就係低息樓價高；孳息曲線宗話明，出年美國會加息，假如香港銀行銀隨的話，出年就係高息，樓價低；今年買咗樓，出年就係高息樓價高，都幾得人驚。

高錕校長

因為前幾日好忙，今日先知道高錕校長攞到諾貝爾獎。新聞報紙話 -- 纖之父已經忘記了光纖，因為高校長已經患上老人痴呆症。心裡即刻覺得好不舒服。

新聞說：光纖之父忘了光纖、頂尖科學家變得像小孩子那樣單純，教許多人唏噓不已，但高錕的中學同學李文彬認為，「精明還是癡呆已不重要。他的腦袋已達成造福世人的任務」。他覺得，是上天為高錕安排了一個快樂的晚年，要高錕不用煩惱。

祝高教授快樂！

媚遠大婚

等咗好耐，終於都等到今日！

全日過程，由尋晚半夜十二點姑姐幫家姐喺祖先面前上頭開始、早上六點幾就要起身化妝.....

九點半接新娘、十點斟茶、十二點去到沙頭角、三點去番九龍、四點去到酒樓化妝換衫、之後就係拍照、律師證婚、食飯敬酒、送客、執嘢搬嘢返屋企。

雖然最後覺得無想像中咁興奮，特別係化妝之後，見到自己個樣、嚇親-驚恐-想掉頭走；長途車又暈車浪 ..... 不過家姐今日真係好靚啦，爸爸媽媽真係好開心、又見番好多好多好細個時見到嘅親戚朋友，心裡確實很高興呢！

祝家姐和亨利永遠開心快樂！

商數

今日返工只係做咗一件事，就係用Nominal & Effective Interest 去演譯 Power(Num,Expolential)。Expolential係中學學嘅，Nominal & Effective Interest係大學學嘅，但係講緊同一件事！有一個領悟，就係Business is, occasionally, making simple thing complicated！

可能係世界上最失禮嘅婚禮司儀

二家姐要我做她婚禮的司儀，忽然想起自己唔識大體，成日講錯說話！

成日都覺得自己唔識大體！但好似身邊個個都識，家姐識、醫生識、老豆識、細佬識、Sexylun識、Maruku識，朱煇朱宏、就算TIMTIM........個個都識得顧全大局，好得體，於是就包容我依D唔識！我就無論點提醒自己，都係覺得自己咁失禮？一緊張同心急就變成另一個人！點解我唔可以優雅大方...小小都好！

唔識大體之外，我覺得自己成日唔識當嘅時間做唔識當的事，講唔適當的說話！有時，覺得棵樹都仲叻過我！大樹，總會係適當的時候，做適當的事。會生根到水源，會向著陽光長葉，唔覺唔覺，不經意地就變成一棵大樹。我呢？成日 grea lee瓜跚啦、嘩啦嘩啦，自己都唔知自己講咩...！

唉...好擔心呢！跟Powerpoint讀得唔得？

家姐加油

尋晚一定有發夢，因為起身仲記得，甜甜的！不過依家已經唔充記得晒lu...

之後想起二家姐仲有四日就結婚，忽然覺得好唔捨得！由細相處到大，雖然家姐好霸道，成日大蝦細，有好嘢成日淨係預細佬，我又成日攞佢D嘢用，搞到她成日黑口黑面，成日吵鬧....不過無論如何，原來真係會好唔捨得！(寫到有點眼濕濕！) 但無論如果，見到家姐找到幸福了，點都替她開心！

二家姐，以後做人老婆啦，加油加油呀！花生油，豉油，痳油，芥花籽油....

中秋家傭

中秋節上午，幫二家姐搬嘢去享利屋企，感覺好似早咗一個星期！下個星期先嫁喎？！

中秋節下午，爸爸要我去大埔間屋執屋，準備姑姐從加拿大返嚟住幾日，感受一個做家務助理的滋味。起初以為係件小事，點知，一個人喺一處陌生又好幾個月無人住，周圍都有塵嘅地方做家務，真係唔好受，原來做家務助理都唔係容易咖！！(個幾鐘都咁另嘞！)

之後行咗一陣沙田，去IKEA睇吓，見到個好靚書櫃，好仲意。其實Furniture有無得買定先？！好想租個MINI倉收埋先！

食完飯之後，原本想話出去映吓相，點知難得姨媽到來慶中秋，於是就留在家了。

借屍還魂

美金又貶值，又低息。

美金貶值，於是大家齊齊入金入油入樓房，資源供不應求，金市油價樓市齊齊升！

美金低息，來個「利差交易」大家齊齊借美金，入高息貨幣，又賺息，又賺匯價！

最蝕嘅，就係賺美金嘅生產商，賺咗唔夠蝕匯價，都唔好提個國民生產值(GDP)了！

好嘞...日圓年年年尾都利差交易，年年都係咁比人借日圓入澳元。輪到今年，就係美元「利差交易新主角」，香港又聯繫匯率，咁點算？

美金比人借，大家入吓歐羅呀、澳幣賺吓利息呀、之後入吓金市、股市、匯市...美國經濟繼續低迷，好似日本咁，復極都唔甦！咁點算？

都唔知點算，淨係知道個VIX又走高了！！

網上有篇文章講，在日本，利差交易就衍生咗一個FX交易平台。日本個人理財投資者，自己都識借番日圓，走出去，一齊炒外匯！2003年，開設了FX交易的賬戶數約為2800戶，市值規模具存入資金)只有87億日元。到2007年3月31日，利用FX交易投資方式的賬戶數增加到64萬戶，市場規模擴大到6700億日元。

文章嘅Conclusion係：有關專家指出，全球股票市、期貨市場、外匯交易市場上的大部分熱錢都來自日本！！！

美國佬....搞完恐怖襲擊，就打仗，打完，就嚟個海嘯，最後自殺再借屍還魂！有GDP嘅地方都會比佢地炒炒炒....！唔怪得話下一個 Low-Carbon Economy ( Green Technology ) Bubble有20幾倍！Subprime都係講緊8倍！

60周年國慶

今日一早睇國慶閱兵，真係好感動！唔係國家強大，而係想起中國以前真係好慘，又覺得個個軍人捱住熱捱住曬都係咁操，好專住同認真。一見到，個心好感動好感動!

2 funny pictures taken tonight,

叻唔切 --> 最右邊個煙花

散水！！

無惡不作

今日同個大陸人講，一百個係香港做分析嘅，一百個都知道，香港雖然係國際金融中心，最賺錢嘅係樓房地產，淨計住宅市值，都講緊係香港GDP 200%。但香港就係無一個，好似恆生指數，有參考性嘅「房地產指數」，話比投資者知道，買樓幾時平，幾時貴。極其量，依家就有一個叫做「中原地產指數」，但香港已經一個有三四十年歷史嘅係金融中心。

所以有時，大陸人成日話上海北京會追過香港，成為金融中心。唔係唔會，但香港D分析員唔係流咖喎？！都唔做指數，點解呀？其中一個可能，因為做生意賺得多過做指數，依D就係人性。人性係好難超越的。如果有一日，上海同北京比香港先一步發展「房地產指數」，就真係真係追過了！

除此之外，今年返工寫BLOG，餵魚，玩MSN，寫EMAIL，咁就放工，有時都覺得對唔住黃師奶，無惡不作！月尾就係咁.....

Picture by 細華@寶馬山上D個山 - 雖然細華好唔滿意，不過我都覺得好靚呀！！

LRC

今日無事忙咗一日，夜晚同醫生 & Sexylun一起去咗個Wine Dinner，喺舊山頂道10號LRC，食咩同飲咩酒都唔重要，最重要醫生喺左邊，Sexylun喺右邊，我覺得安全又開心！

其實今晚我們都係「場外觀眾」，主角係Breast Cancer Fund。Anyway，我們一樣咁放肆，無論任何場合。已經無得救！

認識咗一個喺Spain生活嘅日本女仔，好日本人樣，好有民族優雅。我永遠都學唔到….

Food and Wine Matching，我知道，如果找到Right Matching ，係一件好有驚喜的事，不過我未到依果個境界。學飲酒吸酒精，飲到差D噴！真係無樣係認真....

大家成晚有講有笑，又有Dead Air，哈哈！無嘢講時，望吓人地個背脊，又講一餐，衰衰咁，咁先最好笑！

寫論文

唔想寫，點寫 ?
應承咗，唔可以唔寫。
有心做，就一早開始寫...
寫得好，唔想做，寫得好做咩 ?
寫得唔好，比人知係我寫，以後想寫都無得寫......

寫寫寫….寫到十二點，無眼睇就交咗。之後果D，見步行步....

搵書櫃

無啦啦，今日喺書櫃，找到張紙。

"What surprises you most about mankind?"

God answered. " They get bored of being children, are in a rush to grow up, and then long to be children again. They lose their health to make money, and then lose their money to restore their health. By thinking anxiously about the future, they forget the present, such that they live neither for the present nor the future. They live as if they will never die, and they die as if they had never lived. "

哈哈，有答案！Yeah！I get what I want when I keep my expectation low ! ^0^ 唔好擔心咁多！擔心只係一個動力做好目前的工作！！令明天更好！

不過今日搵書櫃，因為要寫一篇七千字嘅論文，聽日交！(已經拖咗一個月！) 依家一隻字都未死到出嚟！！ ！！

世界天天變‧人性不變

大發現！原來特區護照寫到明，去「法屬南半球和南極地區」係免簽證！不過點解南極係法屬咖呢？撒哈啦沙漠又係法屬地方！

今日去書店，聽講話，「貨幣戰爭」個作者，又出咗第二本書！(成日都唔明點解D好書賣咗成百萬個Copies，香港先有得賣！！抗議！抗議！)。即係咁，依本「金權天下」個大標題係 -- 美元將24年後崩潰，世界將會以「黃金」+「碳排放權」做交易單位，會唔會呀？

即係咁，小妹才疏學淺，但作者大哥係講緊24年後，邊到講得埋咖？！尋日聯合國氣侯風會已經講緊「碳排放權」，d歐洲衰人入股中國低技術環保公司換「碳排放權」啦！今朝西藏高原鑽出350億噸環保新能源「可燃冰」！仲有黃金，就小妹所知，用作做國家儲備果d，美國最多，中國好少！美國佬債多，黃金都多。仲有當中國人係傻先得咖？！

如果講陰謀論，倒不如講吓獅子銀行個主席「強勢回歸」啦！「走頭無路」好似恰當d！唔放d槓桿喺中國，都無地方放啦！唔通放喺沙地阿拉伯呀？！

跌破低線

今朝原本係好高興，做咗個好滿意的Demo，點知阿Joe返公司，比張報紙我睇，又一單！唔係偽造人家廣告，就係冒簽客戶姓名，真係多謝晒！

放工之前，阿May買咗條裙比我，高高興興入房試試，點知個lock壞咗，入得唔出得，要Call Security找工程部，被困個幾鐘，今日真係先升後跌，跌破低線！

影評 >_<

一連兩晚即興地同同事睇咗兩套電影：「尋找快樂窩」 & 「時光旅之戀人(The Time Traveller's Wife)」，兩套都唔好睇，晒錢。自從Stephen Spielberg無拍片之後，荷里活真係無咩真係好戲lu...(唔計PIXEL!)

尋找快樂窩

尋日果套「尋找快樂窩」，係一套寫實的愛情電影，原本以為自己會好容易代入角色，點知一睇個女主角嘅皮膚，話就話三十幾，睇起上嚟就成五十幾六十歲。唔得唔得，無論我點唔夠瞓，都唔會搞到好似她咁！於是就睇得好抽離，好冷靜。唔睇完又覺得好浪費，一路睇個心又一路鬧，真係人格分裂！

鬧個女主角皮膚唔好；鬧她想有個正常嘅家屬，但係唔知為咩又死都唔肯嫁 (想嫁果d就無得嫁)；鬧他們Visit嘅屋企奇型怪狀....

時光旅之戀人

到今日果套「時光旅之戀人」，第一日開畫，比d知道我有「只要係第一日開畫，就狗屎垃圾電影都睇」習性嘅人引誘，又入戲院。唉......一散場，起身，第一句，已經忍唔住：好悶！

點解可以咁悶咖？個男主角咁悲鬱咖？如果比我有穿越時空嘅能力，就算係控制唔到，穿得一千幾百次，都有基本技術，做到d想做嘅事啦！穿一千幾百次，次次都淨係識得搵返件衫著(因為誇過時空唔可以著衫)，喺不同嘅時空行行企企，咁耐淨係識得買定張六合彩，好低能！(原本又話穿越時空，又無記憶，又咩都帶唔走？)

我覺得個男主角嘅能力係sneaking of time，而唔係traveling of time！

故仔又要表達浪漫愛情嘅不確定性，但結果兩個人又要為生BB吵架，老婆要找「過去嘅自己、後生d嘅自己」搞掂，真係O晒咀！

仲有，當最需要一個人的時候，果嗰人(即係男主角)總係唔喺到，就算再深愛都會變成無感覺(可能係覺得有趣，但已經不算係浪漫，因為已經習慣！) 話知你係過去式、未來式。時間不對真係會令人好Frustated！

保護身體

今朝一早，右邊耳膜似脹咗，又好似小小熱，成日又拉又扯耳仔。返屋企搵唔到支耳舒潔，於是用火酒加棉花棒，涼一涼。問醫生耳膜會唔會脹，一個字：會。

上個星期就眼睛好乾，成日摔眼。再上一個星期就膝蓋痛，因為一日行六個商場，加埋手腕無力，朝朝洗頭甩十幾廿條頭髮....。死啦....要好好保護身體!!!Enjoy your body, use it every way you can…don’t be afraid of it, or what other people,think of it, it’s the greatest instrument you’ll ever own !!!!

- The lyrics of Everybody's Free (wear sunscreen)

差DD

冷靜D...安靜D....分析力已經無咩問題了！
淡定D，勤力D，我嘅Portfolio Management 就可以做得好好了！
加油加油！

1065係龍頭水力股，今日收$2.030，一手2000；
1185係龍頭風力股，今日收$0.710，一手2000。
聽日會開聯合國氣候峰會，還看明天！

過大禮

今日二家姐過大禮，真係好似頒獎典禮咁，又或者交換禮物。結婚，真係唔係兩個人的事，係兩個家族的事。不過大家一齊開心，點都係開心的，包括婆婆。^^

二家姐結婚，跟手被人問幾時輪到我？！依個都唔係問題！最慘係我比人話似「我家姐個家姐」，好大鑊！肥得好緊要！